Departamenti për Buxhet dhe Financa ka mision të bëjë menaxhimin, planifikimin dhe ekzekutimin e buxhetit, në përputhje me ligjin përkatës për menaxhimin e financave publike, si dhe legjislacionit tjetër në fuqi, për departamentet brenda AShAK-së.

Detyrat dhe përgjegjësitë e Departamentit për Buxhet dhe Financa janë:

• Menaxhon dhe mbikëqyrë procesin e planifikimit të buxhetit dhe parashikimeve financiare në koordinim me njësitë kërkuese të AShAK-së, dhe përcjell realizimin e tij në vazhdimësi;
• Përgatit propozimet buxhetore dhe Kornizën Afatmesme të Shpenzimeve në koordinim me njësitë administrative të AShAK-së;
• Përgatit propozimet buxhetore me rastin e procesit të rishikimit buxhetor, duke u bazuar në kërkesat e njësive kërkuese për ridestinim të mjeteve nga një kategori ekonomike në kategori tjetër, sipas ligjeve në fuqi;
• Siguron që shpenzimet dhe lëvizjet buxhetore dhe financiare, të bëhen në përputhje me rregullat dhe procedurat e menaxhimit të financave publike;
• Përgatite dhe monitoron rrjedhën e parasë, llogaritë, transaksionet dhe parametrat e tjerë financiarë, që tregojnë performancën financiare të AShAK-së;
• Raporton mbi rezervat e parasë dhe siguron që kontrolli i brendshëm financiar është i bazuar në parimet e llogaridhënies;
• Raporton mbi ekzekutimin e buxhetit në mënyrë periodike.

Në kuadër të Departamentit për Buxhet dhe Financa bëjnë pjesë divizionet si në vijim:

Divizioni për Buxhet dhe Financa;

Udhëheqës/e: Ibrahim Murati

E –maili i/e: Ibrahim.Murati@rks-gov.net

Udhëheqës Departamentit: Kimete Mahmuti

E-mail: Kimete.Mahmuti@rks-gov.net